O recibidor do Concello de Baiona acolle desde este xoves e ata o próximo 25 de setembro a exposición Os camiños de Elías Valiña. Aqueles que queiran poderán visitala @gratuitamente de luns a venres de 08:00 a 15:00.
A presentación da mostra tivo lugar este xoves da man do Alcalde de Baiona, Jesús Vázquez Almuiña, e do comisario da exposición e director do documental sobre Valiña, Aser Álvarez. Tamén participaron a concelleira de Festexos, Ruth Álvarez González, e a concelleiro de Turismo de Baiona, Sheila González Martíns.
O rexedor lembrou que esta exposición trátase doutra “aposta decidida” do Concello polo Camiño de Santiago, desexando que este sexa un dos “puntos fortes de desestacionalización e patrimonio de Baiona”.
Así mesmo, Almuiña definiu a mostra como unha “exposición cargada de moito sentimento, historia e persoas, que son as que ao final fan o Camiño de Santiago”. E destacou o feito de que esta mostra itinerante promovida por Turismo de Galicia e a S.A Xacobeo recale en Baiona que ano tras anos gañas máis peregrinos e peregrinas a través do Camiño Portugués da Costa.
O documental sobre a figura de Elías Valiña tamén se estreou en leste mesmo acto e poderá visionarse no recibidor do concello no mesmo horario.
A exposición fai unha pequena visita guiada dos Camiños de Santiago a través da ollada de Elías Valiña, pioneiro do roteiro xacobeo e inventor das frechas amarelas. Búscase así divulgar a súa figura como un do principais estudoso e precursores do asociacionismo xacobeo e como un dos actores fundamentais no rexurdimento contemporáneo do fenómenos das peregrinacións a Santiago.
