“O goberno municipal debe dar explicacións pola perda dun festival da importancia do PORTAMÉRICA, ” afirmou Manuel Fariña.
No día de onte anunciouse a celebración do Festival PORTAMÉRICA os vindeiros 1 e 2 de outubro no recinto da azucreira de Portas, unha malísima nova para Caldas, que ve como un festival de referencia como este abandona o noso concello nun momento fundamental para a reactivación económica da hostelería e o comercio caldense.
O desleixo do equipo de goberno e a falta de liderado do alcalde están sen dúbida detrás
desta decisión, pois a pesares de contar con unha partida orzamentaria de máis de 120.000€ no orzamento prorrogado do ano 2020, non foron quen de negociar cos
promotores e asinar un contrato que garantice a permanencia deste festival no noso concello.
“É evidente que se o PORTAMÉRICA se pode celebrar en Portas tamén se podería ter celebrado en Caldas. Non hai motivo que xustifique esta espantada da nosa vila” afirmou Fariña.
Dende o BNG non só pediremos explicacións ao goberno municipal, senón que estaremos vixiantes para que nin un só céntimo dos impostos das veciñas e veciños de Caldas se empregue para financiar a “fuga” deste evento a outra ubicación fora do noso termo municipal.