Este primeiro luns de agosto comeza cunha dos roteiros máis esperados. Trátase dunha visita ao coñecido monumento granítico baionés da Virxe da Roca. Durante o atardecer, repasarase o contexto histórico de finais do século XIX e principios do XX.
Descubrir como se desenvolveu o proxecto da Virxe da Roca, ou o do tranvía no Val Miñor, a chegada da luz eléctrica ou a construción do primeiro balneario de talasoterapia no municipio, serán algúns dos temas que tratará Patricia Muñoz.
Guíaa intérprete do patrimonio, que xa dirixiu o roteiro sobre Santa Marta e Sir Drake, recorrerá ás anécdotas de personaxes tan relevantes como Mercedes Ruiz da Escaleira, promotora do monumento e filántropa, o enxeñeiro e empresario Laureano Salgado, ou o arquitecto artífice do Virxe-Miradoiro, Antonio Palacios. A visita partirá da estatua Martín Alonso Pinzón, como punto de encontro, ás 20.15h., dando así continuidade ao calendario de roteiros culturais “Entre Lusco e Fusco”.
O acceso é libre e gratuíto para todas as persoas que desexen gozar de ambas as actividades pero as prazas son limitadas, polo que será necesaria a inscrición previa na propia Casa da Navegación de Baiona, a través do teléfono 986356688 ou do correo electrónico casa.navegacion@baiona.gal
