test
Home Pontevedra Baixo Miño Aprendemos a combater a ansiedade e o estrés con Andrea Iglesias nos...

Aprendemos a combater a ansiedade e o estrés con Andrea Iglesias nos ‘Cafés en igualdade’ da tempada

- Anuncio -

A psicóloga rosaleira afondará na problemática de vivir con présa este xoves 30 de maio ás 17.30 horas no Café Bar San Martiño, en Martín

O estrés e a ansiedade forman parte da vida cotiá. Nun mundo con altas demandas laborais, familiares e sociais e cun ritmo de vida acelerado facer fronte ao día a día supón un desafío constante. Para identificalo, poñerlle cara e afondar na súa problemática e como combatelo, a psicóloga rosaleira Andrea Iglesias falará sobre ‘Ansiedade e estrés. Vivir con présa’ no peche de tempada dos ‘Cafés en Igualdade’.

Será nunha nova cita con este programa do Concello do Rosal que se celebrará este xoves 30 de maio a partir das 17.30 horas no Café Bar San Martiño, de Martín. Iglesias traballa principalmente con nenas, nenos e adolescentes e imparte obradoiros e charlas sobre diferentes temáticas, como a presión estética, cuestión que abordou xa na anterior edición dos ‘Cafés en Igualdade’. Agora, afondará ante o público no estrés e na ansiedade, nos síntomas físicos e psicolóxicos negativos que poden carrexar e sobre como facerlle fronte. 

Os ‘Cafés en Igualdade’ nacen da man do Concello do Rosal co obxectivo de achegar á veciñanza temas de actualidade dun xeito ameno e distendido, nesta edición levando a igualdade a todos os recunchos e percorrendo ademais os barrios. A alcaldesa, Ánxela Fernández Callís, subliña a importancia desta iniciativa que permite “establecer espazos de convivencia e aprendizaxe para abordar novas temáticas dende o coñecemento, o diálogo, o respecto e a reflexión, espazos nos que unirse e explorar temas que nos preocupan a todas e todos, enriquecéndonos con diferentes perspectivas e experiencias”.

O proxecto conta co financiamento do Ministerio de Igualdade a través de fondos do Pacto de Estado contra a violencia de xénero 2023-2024.

Relacionadas

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

A Deputación ten aberto ata o mércores 3 de xullo o prazo para presentar...

0
Por vez primeira a institución provincial premiará os mellores proxectos da provincia a favor da igualdade de xénero e contra a violencia machista, que...

A Deputación presenta este martes no edificio do Arquivo a publicación “Xulio Gil. Insercións”

0
A presentación terá lugar ás 19:30 horas e contará coa participación do vicepresidente provincial Rafa Domínguez A Deputación presenta este martes, 25 de xuño, ás...

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Publicacións Relacionadas