A concellería de Novas Tecnoloxías do Concello de Redondela, que dirixe Antonio Cabaleiro, abre a matrícula para os novos cursos das aulas Cemit de Redondela e Chapela. Desde o 17 e ata o 30 de abril os interesados poden solicitar praza nas actividades que se desenvolverán durante os meses de maio e xuño. Serán en horario de mañá na Aula Cemit de Redondela (luns e mércores) e na Aula Cemit de Chapela (martes e xoves), cunha duración total de 24 horas de formación cada curso. Todos inclúen un módulo transversal sobre Fundamentos da Intelixencia Artificial. Estas actividades son de balde e están dirixidas a público adulto. Para máis información poden consultar no apartado CURSOS da web www.redondela.gal.
CURSOS AULA CEMIT REDONDELA – CHAPELA (Maio e xuño 2024)
AULA REDONDELA
- Microsoft OneDrive – A nube de Microsoft. Luns e Mércores de 10:00 a 11:30, do 6 de maio ao 26 de xuño.
• OneDrive é o servizo na nube de Microsoft (Word, Excel e Powerpoint)
• Permite almacenar e protexer ficheiros.
• Compárteos con outros usuarios.
• Accede a eles desde calquera lugar en todos os teus dispositivos. - Competencias Dixitais Básicas con Windows 10 e Linux. Impártese luns e mércores, de 12:00 a 13:30 hs do 6 de maio ao 26 de xuño.
• Conceptos básicos de informática, sistemas operativos.
• Dispositivos electrónicos e elementos periféricos.
• Creación de contidos.
• Internet e correo electrónico.
AULA CHAPELA
- Creación de contidos con aplicacións en liña (Photofancy e Photopea). Martes e xoves: 10:00 a 11:30hs. Do 7 de maio ao 27 de xuño.
• Crear contido fotográfico con software instalado en páxinas web.
• Photofancy: software de edición de fotografía.
• Photopea: software para retoque fotográfico. - Creación de vídeos online con FlexClip. Martes e xoves, de 12:00 a 13:30hs. Do 7 de maio ao 27 de xuño (24 horas.)
• FlexClip, software de edición de vídeo en liña, con espazo na nube.
AULAS CEMIT OS VENRES
Ao longo de todo o curso as aulas Cemit de Redondela e Chapela están abertas ao público adulto todos os venres de 9.30 a 12.00 horas. Tamén os venres, e en horario de 12.00 a 13.30 horas, ofrécense aulas sobre Competencias dixitais básicas con tablet.
