Este sábado 3 de maio Oia terá unha nova cita co teatro, neste caso coa obra “Onde Andará”, do grupo local “As Dez Patas do Banco”. A actuación terá lugar ás 20.00 horas no edificio das antigas escolas de Torroña, situado ao carón da capela do Rosario.
Coa súa obra “Onde Andará”, o grupo de teatro afeccionado de Pedornes “As Dez Patas do Banco” presenta unha orixinal proposta que, enmarcada no xénero da comedia, divertirá ao público de todas as idades.
A entrada é de balde ata completar aforo.
