test
Home Pontevedra Baixo Miño Concello e Acougo traballarán xuntos en programas de atención e formación de...

Concello e Acougo traballarán xuntos en programas de atención e formación de acollemento familiar

- Anuncio -

Ambas entidades asinaron un convenio de colaboración para a transformación e mellora social sobre o acollemento e a protección ás e aos menores

O Concello do Rosal e a Asociación Galega de Familias de Acollida, Acougo, veñen de asinar un convenio de colaboración co obxectivo de promover programas de atención, formación e difusión en materia de protección de menores, así como medidas específicas para o acollemento familiar.

A concelleira de Benestar Social, Beatriz Rodríguez, salientou a satisfacción do Concello por formalizar esta colaboración con Acougo, xa que “a súa experiencia e dedicación no campo do acollemento familiar son fundamentais para avanzar cara a unha sociedade máis xusta e equitativa. Este convenio permitirá desenvolver programas que terán un impacto real na vida dos nenos e nenas en situación de vulnerabilidade, así como nas familias de acollida e de orixe”.

O acordo destaca o compromiso de Concello e Acougo para traballar de forma conxunta na incidencia política e sensibilización para a transformación e mellora social sobre acollemento familiar ou residencial, sobre dereitos da infancia do Sistema de Protección e sobre familias de orixe e de acollida.

O convenio ten como propósito ademais facilitar, na medida do posible, o uso de espazos e equipos necesarios e facilitando a entrada das persoas participantes nos programas postos en marcha aos servizos psicosociais educativos, de deporte ou lecer municipais.

A través deste convenio, o Concello reafirma o seu compromiso co benestar da infancia e mocidade e co apoio ás iniciativas que buscan garantir unha protección integral e efectiva das e dos menores. A colaboración con Acouga permitirá crear novas oportunidades de formación e sensibilización, promovendo un maior apoio ao acollemento familiar no municipio.

A Asociación Galega de Familias de Acollida naceu das necesidades dun grupo de familias que se involucraron para colaborar e apoiar de forma organizada ás administracións e outras entidades para traballar a prol dos e das menores.

Relacionadas

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

A Deputación ten aberto ata o mércores 3 de xullo o prazo para presentar...

0
Por vez primeira a institución provincial premiará os mellores proxectos da provincia a favor da igualdade de xénero e contra a violencia machista, que...

A Deputación presenta este martes no edificio do Arquivo a publicación “Xulio Gil. Insercións”

0
A presentación terá lugar ás 19:30 horas e contará coa participación do vicepresidente provincial Rafa Domínguez A Deputación presenta este martes, 25 de xuño, ás...

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Publicacións Relacionadas