- A iniciativa está incluída nas actividades de animación á lectura organizadas pola biblioteca municipal
- A biblioteca municipal de Pazos de Borbén organiza mañá unha nova actividade para fomentar os hábitos de lectura entre os estudantes do municipio. Nesta ocasión trátase dun show de maxia interactiva a cargo de Diego González Hermida, “O Calborota”, titulado “Un intre máxico”. A sesión dará comezo ás 12:30 horas e contará coa asistencia os alumnos de infantil do CPI Curros Enríquez.
- “Un intre máxico” é a historia dun vello e simpático rato de biblioteca chamada Don Pergamiño que conta con dúas habilidades extraordinarias, ler todos os libros que pasan polas súas mans e interpretalos de tal maneira que todos os nenos e nenas pode vivir o seu contido e as súas aventuras coma se fosen propias.
- Trátase dunha representación chea de emoción, diversión e reflexión que mestura o tradicional espectáculo de marionetas cos contacontos infantís e o ilusionismo, fomentando así a imaxinación e a participación dos máis pequenos. O espectáculo ten unha duración aproximada de 60 minutos.