• O presidente do Partido Popular de Pontevedra, Rafa Domínguez, mantén que a cidade se pode ver “moi beneficiada polo noso proxecto, que xa foi ratificado pola Universidade e pola Xunta”
• O popular entende que a proposta encaixa perfectamente cos plans de futuro que a Universidade de Vigo ten na cidade e atraería novos graos universitario e mesmo unha residencia de estudantes
O presidente do Partido Popular de Pontevedra, Rafa Domínguez, quixo valorar a resposta da Universidade de Vigo tras a proposta dos populares de que o Hospital Provincial destínese a usos universitarios. “O investimento da Xunta no Gran Montecelo vai supoñer que a instalación triplique o seu espazo, polo que a actividade sanitaria do Hospital Provincial levará alí. Isto resulta en que teremos un edificio de 30.000 metros cadrados en pleno centro sen ningún uso, por propuxemos que se lle conceda un fin universitario”, explicou o popular.
“Congratúlame moitísimo que o reitor da Universidade de Vigo, Manuel Reigosa, diga que lle gusta moitísimo a idea. Pero é que, ademais, confirmou que se poden ampliar os graos xa existentes e traer novas titulacións”, dixo o popular, que incidiu no “tremendo beneficio non só para a zona, senón tamén para toda a cidade”.
“Todo o mundo sabe o positivo de crear polos de atracción á cidade, neste caso, universitario. Virán estudantes e as súas familias de visita. Temos que ter en conta o buraco que deixará a marcha do Hospital Provincial”, contextualizou o popular. “Pido aos rivais políticos que pensen máis en Pontevedra e deixen esa critica política contra unha proposta que beneficia a todos”, rematou.