• ALZOUSE COMO VENCEDOR TANTO NESTE CONCURSO COMO NA 96ª EXPOSICIONAL NACIONAL, XA QUE O XULGAMENTO É COMÚN PARA AMBAS PROBAS
• ESTE EXEMPLAR, QUE COMPETIU CONTRA OUTROS 410 CANS DE DISTINTOS PUNTOS DE ESPAÑA, PORTUGAL, CHINA E ESTADOS UNIDOS QUE PARTICIPARON NAS FINAIS DE ADULTOS, PERTENCE A SONSOLES HEVIA DE LA NOVAL
O can de pastor australiano (australian shepherdog) Once In A Lifetime De La Noval alzouse hoxe como campión da 42ª Exposición Internacional Canina Feira Internacional de Galicia ABANCA e a 96ª Exposición Nacional Canina Feira Internacional de Galicia ABANCA, as cales se disputaron neste recinto feiral dende primeira hora da mañá e estiveron organizadas pola Sociedade Canina Galega.
Este exemplar é o Best in Show de ambas Exposicións, xa que o xulgamento destas competicións é común e, polo tanto, os seus resultados coincidentes nas distintas categorías. O can vencedor pertence a Sonsoles Hevia de la Noval, de Asturias.
Por outra banda, o subcampión foi o scottish terrier Make It Right Dai Hard, propiedade de Pablo Gómez Puertas, de Madrid, mentres que o terceiro posto foi para a femia de akita americano Wolf-Gray The Show Must Go On, de Francisco Javier Ponte Crespo, tamén de Madrid.
Estes exemplares foro elixidos como os mellores da Exposición entre 411 cans de distintos puntos de España, Portugal, China e Estados Unido que competiron nas finais da categoría de “Adultos”, ás cales poden optar tamén os cans con mellor puntuación das restantes categorías, excepto “Moi Cachorros” e “Cachorros”. En canto aos exemplares chinos e estadounidenses, trátase de cans que están a facer campaña en España con participación en distintos concursos e que son presentados por handlers españois, mentres que os cans españois e portugueses son mostrados polos seus propietarios ou handlers nacionais.
No resto das categorías tamén se elixiu aos tres mellores. En “Moi Cachorros” o vencedor foi ao igual que na Exposición Nacional de onte o golden retriever Top Pride´s Light It Up Like Dynamite, propiedade de Juan Francisco Asensio Mamone, de Alicante, mentres que en “Cachorros” gañou o bulldog francés Carpe Diem Bulldog Juethalma, de Juan Luis Gema Castillo, de Málaga.
En “Xóvenes” a gañadora foi a siberian husky Snow Image Karmenta, de Cristian Renes Parra, de Tarragona, ao tempo que en “Veteranos” venceu o schnauzer miniatura negro Roke de Santamariñacans, de Francisco José Fernández Sáez e Blanca Díaz Treviño, de Pontevedra.
En “Razas Españolas” repetiu respecto á 95ª Exposición Nacional a femia de presa canario Palmera del Calabazo, de Laureano Álvarez Delgado, de Las Palmas. Recoñeceuse ademais á mellora “Parella”, conformada polos schnauzer miniatura branco Roko de Santamariñacans e Zeltia de Santamariñacans, os cales xa venceron onte en “Grupo de Cría” na 95ª Exposición Nacional xunto con outros dous exemplares e son propiedade de Francisco José Fernández Sáez e Blanca Díaz Treviño, de Pontevedra. En canto ao mellor “Grupo de Cría”, estivo conformado polos catro bouvier de berna Devael Gin Makes Me Spin, Devael Be Water My Friend, Devael Fifty Shades of Pink e Devael Keep on Flowing, de Nuria Pujol e Norbert Strahl, de Palencia.
Nesta 96ª Exposición Nacional Canina e 42ª Exposición Internacional Canina Feira Internacional de Galicia ABANCA participaron en total cerca de 500 exemplares que foron valorados por dez xuíces de España e Portugal, os cales tiveron en conta a morfoloxía, movementos e carácter dos cans.
Cita referente para o mundo canino
Esta dúas competicións sumáronse á 95ª Exposición Nacional Canina celebrada onte no recinto, na cal se elixiu como campión ao spaniel continental enano Graceross Zalomes Biforis, e tamén aos monográficos de mastín do pirineo, teckel e bulldog francés. Seis citas que reuniron a mil cans de catro países e cerca de 150 razas e que converteron á Feira Internacional de Galicia ABANCA en espazo de referencia para o mundo canino, xa que as Exposicións representan a categoría máis alta dentro deste tipo de concursos.