Solicitan unha compensación económica pola prestación de servizos públicos municipais e polo custo reputacional e o impacto que supón na súa imaxe dispoñer deste tipo de establecementos carcerarios
No día de hoxe os alcaldes dos cinco concellos galegos con centro penitenciarios (Curtis, Outeiro de Rei, Monterroso, Pereiro de Aguiar e A Lama) reunironse co Secretario de Institucións Penitenciarias e o Director Xeral en Madrid.
No encontro tratáronse varios asuntos en relación á afección e incidencia que supón para cada un dos municipios contar cun centro penitenciario.
Actualmente os concellos de Galicia con centros penitenciarios están prestando varios servizos públicos a estas instalacións, que lles supoñen un importante custe ás arcas municipais e polas que non se percibe ningún tipo de ingreso do Estado.
No encontro solicitouse a compensación económica equivalente ao importe que se debería percibir polo IBI en cada concello, e outra partida polo impacto que supón nos medios de comunicación e na sociedade as noticias por cumprimento de penas, como se perciben noutros concellos de España.
Proposta foi recollida con certa receptividade polos representantes do goberno central e comprometéronse a trasladarlle a proposta ao Minsiterio de Facenda.