Fariña califica de “triste e patética” a submisión á Xunta do PP caldense
“Xa nos gostaría a nós non ter que reprobar ao Director Xeral de Atención Primaria, Jorge Aboal, porque significaría que teriamos unha atención sanitaria de calidade, como a que merecen todos os veciños e veciñas de Caldas”, afirmou o portavoz nacionalista, Manuel Fariña.
Por desgraza, a atención sanitaria no noso concello deixa moito que desexar. “Listas de agarda interminábeis, redución do número de facultativos, saturación dos profesionais sanitarios….”
Lonxe de mellorar, a situación sanitaria é hoxe moito peor que hai uns anos. “É a herencia que nos deixa a política de desmantelamento da sanidade pública levada a cabo polos gobernos de Feixóo, seguida ao pé da letra por personaxes como Jorge Aboal, Director Xeral de Atención Primaria, que tivo a desfachatez de xustificar en sede parlamentar os inxustificábeis tempos de espera para a atención médica que sofren os nosos veciños e veciñas”, dixo Fariña.
O portavoz municipal do BNG lamentou que reprobación de Jorge Aboal non fose por
unanimidade, e calificou de “triste e patético” papel do PP local, “que antepuxo a obediencia cega á Xunta á defensa das necesidades de atención médica dos nosos veciños e veciñas”. “Xa nos gostaría a nós non ter que reprobalo, porque iso significaría que tomaron nota e revertiron unha situación que pon ao noso PAC ao borde do colapso. Pero por desgraza non é así, siguen r que r en desmantelar pouco a pouco o noso sistema sanitario”.
E non se trata só dunha opinión do BNG. Os datos están aí para desmostralo. As denuncias do persoal sanitario tamén. Que o PAC de Caldas precisa de dous equipos completos por turno, de xeito que se garanta a presenza de dous médicos/as e dous enfermeiros/as no servizo de urxencias extrahospitalarias, é algo que todo o mundo sabe e defende. Que en vez de atender esta xusta demanda a Xunta recortou aínda máis o persoal, está aí…. “Que ten que pasar para que o PP local dea un golpe na mesa e lle esixa á Xunta e ao seu partido algo tan básico e tan necesario como que Caldas teña unha sanidade pública e de calidade”, preguntouse Fariña.
“Dende o BNG imos seguir traballando día a día para que os veciños e veciñas de Caldas conten coa Sanidade pública de calidade que merecen, e pola que tanto levan loitado” concluiu Fariña.
