A inscrición está aberta ata o xoves 19 de novembro ás 15:00 horas
O Concello de Nigrán acolle este sábado 21 de novembro en Porto do Molle o ‘VI Ciclocross Concello de Nigrán – ZFV’ correspondente á oitava cita do trofeo autonómico ‘Superprestixio’ e que consta de 11 probas concentradas entre finais de setembro e finais de ano. A cita está organizada polo Club Ciclista Coruxo e está dirixida a deportistas federados desde infantil a master, pechándose a inscrición o mércores 18 de novembro ás 23:59 horas na propia web da federación ou o con recargo ata o xoves 19 de novembro ás 15:00 horas.
Como en anos anteriores, a proba constará dun circuito pechado de 2.600 metros ao carón do skate-park no que se instalarán obstáculos artificiais. Haberá trofeos para os tres primeiros clasificados en cada categoría, estando prevista a entrega ás 16:30 horas.

