O concello de Pazos de Borbén inicia a mellora do Parque Infantil do CPI Curros Enriquez

- Anuncio -

Instaláronse dous novos areneros para os alumnos de infantil e estanse renovando varios elementos desgastados polo uso
O Concello de Pazos de Borbén acaba de iniciar os traballos de renovación de varios elementos do parque infantil do CPI Curros Enríquez. A actuación, levada a cabo tras a solicitude da dirección escolar, permitirá recuperar varios espazos de xogo para os máis pequenos do centro e “garantirá que os nenos e nenas poidan gozar dunha contorna de xogo seguro durante varios anos máis”, explicou a concelleira de Educación, Branca Míguez.
A actualización comezou coa recuperación da caseta de xogos infantís, na que se substituíron varias partes por outras novas, e seguirá nas próximas semanas coa recuperación dos balancines, o tobogán e o resto de elementos. Ademais, como mellora para o parque, instaláronse dous novos elementos: dous areneros de case catro metros cadrados para os xogos dos alumnos de primaria.
“Ben sexa con investimentos directos ou con traballos de mantemento, sempre tentamos colaborar co colexio en todo o posible”, destacou Míguez, indicando que “a seguridade nos momentos de xogo dos nosos fillos é fundamental e é a clase de investimento que non se pode dilatar”, concluíu a concelleira.