O concello de Soutomaior organiza dous concertos musicais esta fin de semana

- Anuncio -

As actuacións terán aforo reducido e será necesario seguir o protocolo anticovid
O Concello de Soutomaior, dentro da súa programación cultural de verán, ten programadas dúas actuacións musicais esta fin de semana, unha na alameda Tallo Río e outra no Peirao de Arcade. Ambas as iniciativas son totalmente gratuítas e contarán cun aforo reducido para garantir a distancia de seguridade entre os asistentes. Non será necesaria inscrición previa xa que o aforo cubrirase por orde de chegada.
A primeira actuación, o sábado a partir das 21:00 horas, correrá a cargo do coñecido grupo “ Uxia Lambona e a Banda Molona”. Un grupo cun repertorio cheo de clásicos populares galegos co seu propio toque particular e moitos outros temas propios de diversos estilos, desde a cumbia e o tango ao reggae e o ska.
O domingo, a partir das 13:00 horas na alameda Tallo Rio, recupérase a antiga tradición musical da sesión vermú. Para iso contarase coa animación do grupo “Cara B” e o seu repertorio baseado nos grandes temas do rock e o pop español dos anos 80 e 90.
Ambas as actuacións estarán sometidas aos protocolos anticovid actuais que a Xunta de Galicia ten en vigor para os espectáculos ao aire libre, polo que haberá #aforo reducido, todo o público terá que estar sentado e facer uso da máscara.