• Silvia Crespo esixe ao Concello que revise un por un os parques infantís do barrio e concrete que actuacións necesitan e cando se van a executar
• A edil do PP lembra que os xardíns da UNED debían estar abertos á cidadanía desde comezos de 2022 e, en setembro de 2026 continúan sen estar dispoñibles para os veciños
A concelleira do Partido Popular de Pontevedra Silvia Crespo denunciou o mal estado no que se atopan as zonas de xogo infantil do barrio de Monte Porreiro, despois de recibir novas queixas das familias con nenos pequenos.
Crespo lamentou que os parques infantís das rúas Irlanda e Portugal continúen pechados no inicio do curso escolar, cun cartel do Concello de Pontevedra no que se informa de “Xogos pendentes de reparación. Prohibido ou seu uso”.
A edil popular reclamou ao Concello de Pontevedra “unha actuación urxente para reabrir ambos os parques infantís, mellorar as dúas zonas de xogo na contorna do Miradoiro de Monte Porreiro e executar o proxecto de ampliación da Praza de Europa coa maior celeridade posible”.
Fronte ás promesas grandilocuentes do Gobierno municipal do BNG, desde o PP de Pontevedra esíxese coñecer que actuacións ten previsto realizar nos próximos meses para recuperar os espazos infantís do barrio e garántase que o barrio dispoña de zonas de xogo en óptimas condicións para ofrecer espazos seguros aos menores.
Neste sentido, considera fundamental que se responda ás necesidades diarias do barrio e non se limite a planificación aos proxectos de maior orzamento e prazo. “Un investimento para dentro de dous anos non pode servir de argumento para deixar sen resolver durante ese tempo os problemas cos que teñen que lidar os veciños no seu día a día”, engadiu.
Alén dos parques infantís, Crespo lembrou que os veciños seguen reclamando concreción sobre as actuacións viarias anunciadas, incluíndo unha resposta expresa sobre as rúas Dinamarca e Holanda.
En todo caso, pediu que se diferencie entre as actuacións estruturais previstas en Monte Porreiro e aquelas intervencións de mantemento, reparación e mellora que poidan executarse a curto prazo, especialmente cando se refire á infancia: “O tempo administrativo e o tempo dun neno son distintos”.
Crespo lembrou ademais o precedente dos xardíns da UNED, un espazo cuxa apertura á cidadanía continúa pendente pese ao tempo xa transcorrido. O convenio foi asinado en outubro de 2021 e o Concello asumiu a conservación destes xardíns e a execución das obras necesarias para a súa apertura.
“Estamos en setembro de 2026 e ese espazo continúa sen estar dispoñible para os veciños. Por iso cremos que, cando se anuncian agora novos investimentos para os próximos anos, é comprensible que os veciños pregunten que pasou con aquilo que xa debería estar solucionado”, sinalou Crespo.
Para rematar, expuxo tres preguntas concretas ao Gobierno liderado por Miguel Anxo Fernández Lores: que parques infantís de Monte Porreiro necesitan actuacións na actualidade?; que melloras poden executarse de forma inmediata e con que calendario?; e que solución expón o Executivo mentres os investimentos de maior alcance non estean terminadas?
“Monte Porreiro pode esperar con ilusión grandes proxectos investidores. O que non se lle pode pedir ás familias é que os seus fillos tamén teñan que esperar polos parques infantís”, concluíu.
