- A actividade é totalmente gratuíta
- O Concello de Pazos de Borbén, a través da súa oficina de Servizos Sociais, organiza un campamento infantil de verán para fomentar a conciliación coa vida laboral das familias do municipio. A iniciativa levará a cabo do 12 de xullo ao 31 de agosto e a participación é totalmente gratuíta xa que conta co financiamento da Consellería de Emprego e Igualdade da Xunta de Galicia.
O obxectivo do campamento, explicou o alcalde, Andrés Iglesias, é “facilitar aos veciños a conciliación dos seus traballos e o coidado dos seus fillos durante as vacacións escolares”. O campamento está dirixido a nenos e nenas entre os 4 e os 14 anos de idade e terá o mesmo horario que o curso escolar, de 09:00 a 14:00 horas.
A iniciativa conta con protocolos de protección contra a Covid-19 para protexer aos pequenos #ante posibles contagios. Para evitar aglomeracións, tanto a entrada como a saída de cada día farase de forma graduada e utilizando todos os accesos dispoñibles.
Do mesmo xeito, a edil de Servizos Sociais, Eloisa Nogueira, explicou que “a educación en igualdade é un dos piares fundamentais do campamento” e expresou o seu desexo de que a iniciativa sexa ben acollida polos veciños, “xa que se fai para facilitar a conciliación e facer máis entretidas as mañás do verán para os máis pequenos”, finalizou.