A mellora da seguranza viaria é unha prioridade para o BNG
O BNG de Barro presentará da man de Néstor Rego, deputado nas cortes do Estado, unha
emenda aos orzamentos xerais do Estado para que o Ministerio inclúa unha partida de
1.500.000 euros que permita eliminar dous puntos negros da N-550 ao seu paso por Barro.
As melloras da seguranza viaria tanto para peóns como para vehículos son unha prioridade
para o BNG en Barro e así se demostra con todas as actuacións de mellora de vías municipais que se levan a cabo desde o Goberno municipal.
A N-550, de titulariedade estatal, é unha das principais estradas galegas e no seu paso polo
concello de Barro ten dous puntos moi conflitivos que a diario causan transtornos e que cómpre solucionar canto antes para evitar máis accidentes.
Con esta emenda o BNG solicita que se constrúa no ano 2022 unha rotonda no cruzamento da N-550 coa estrada EP-0506, que une A Portela con Curro, pois a escasa visibilidade dese punto ten como consecuencia que sexa un cruzamento moi perigoso e que cómpre solucionar urxentemente.
O outro punto no que o BNG solicita a construción dunha rotonda é en Porráns, no cruzamento da N-550 coa estrada da Xunta EP-0501 e cunha vía municipal.
Este é outro punto conflitivo no que se ven implicados a diario milleiros de vehículos e no que se fai necesario que o Ministerio actúe de forma decidida, xa que hai uns anos que se instalou un sistema de cruzamento intelixente que foi todo un fracaso, polo que sigue sendo un cruzamento moi perigoso