Tivo lugar a recepción dos participantes da XV Xuntanza Obradoiro Internacional da fundación Paco Lareo, A Solaina de Piloño. Foron recibidos polo alcalde Luís Taboada e o tenente alcalde Julio López que ademais é o responsable de cultura do consistorio, Taboada encomiou o arduo traballo que leva realizando todos estes anos A Solaina e moi especialmente Carmen Lareo que axudada polo seu equipo técnico conseguiron que esta Xuntanza sexa un éxito ano tras ano.
Julio López pola súa banda compartiu as palabras do alcalde e engadiu que “É un orgullo o poder contar con persoas da categoría de Carmen Lareo, unha traballadora incansable, que sempre que pode leva consigo o nome de Vila de Cruces e por suposto o do seu irmán Paco Lareo, dous concepto unidos e que de seguro estes paraxes inspiraron en máis dunha ocasión a este gran artista, e que espero que a través destas Xuntanzas sexan de inspiración tamén para os marabillosos artistas que cada ano participan nesta Xuntanza”.