O Concello de Redondela incorporou 15 novos traballadores. Trátase de dous 2 axudantes para o departamento de electricidade e 10 peóns de obras e servizos que realizarán funcións nos departamentos de Parques e Xardíns, Limpeza e Infraestruturas. Os contratos de traballo, que teñen unha duración de seis meses, contan cunha subvención da Deputación de Pontevedra. Os operarios incorporáronse este mes, tras un proceso de formación, e xa están a desenvolver traballos en diferentes puntos do municipio, como labores de limpeza de rúas e rozas de camiños.
Outros tres traballadores, guías turísticos, comezaron xa no pasado mes de abril a prestar servizo na Oficina de Turismo de Redondela e o museo Meirande.
A alcaldesa, Digna Rivas, destacou a importancia destas novas incorporacións “tanto pola creación de postos de traballo para persoas que estaban en situación de desemprego, como polo feito de que a súa labor supón un mellor servizo para a veciñanza”.