• O tenente de alcalde Julio López, foi o encargado de negociar coa responsable do SERGAS, para non perder a pediatra como estaba anunciado.
O grupo de goberno de Cruces co seu alcalde á cabeza, xa tiñan preparada unha manifestación que se celebraría o vindeiro domingo dia 10 ao coñecer que a Xunta ía deixar de prestar o servizo de pediatría en Vila de Cruces, e iso era inadmisible. O mais irónico desta situación atopámolo que mentres o grupo de goberno solicitaba á subdelegación do goberno os permisos para realizar a manifestación, o señor Otero do PP negociaba ás costas do goberno coa Xunta de Galicia e cansouse de poñerse medallas por conseguir que unha pediatra atendese o servizo 1 hora ao dia.
Algo que ao goberno de Xuntos lle parecía vergoñoso, que un ex-alcalde e militante do PP se conforme cunhas migallas, todo isto por non levar a contraria ao seu partido segundo relata Luís Taboada. Non contentos con esta situación puxéronse en contacto coa responsable sanitaria da zona, para pedirlle explicacións e solicitarlle que se tiña que restaurar o servizo integramente, senón farían a manifestación que estaba prevista como primeiro acto de repulsa e seguirían coas súas protestas aínda que tivesen que facelas diante do propio SERGAS.
A conversación transcorreu de forma cordial e fóronse achegando posicións, ata o punto en que se lle confirmou verbalmente ao tenente de alcalde Julio López de que de momento se dispoñería de pediatra compartido con Silleda que estaría 2 hora en Cruces, en vez de unha hora que o señor Otero negociou e vendeu coma un éxito rotundo, pero ademais que a partir do 15 de novembro se recobraría o servizo como estaba. Ante este comunicado, o grupo de goberno, decidiu aparcar de momento a manifestación, confiando no comunicado verbal recibido e agradecendo á responsable sanitaria a súa atención e comprensión nesta situación.
