- Os galardóns ao rendemento académico do curso 24/25 poñen en valor o esforzo, a constancia e a excelencia deste alumnado fronte a diferentes dificultades
- Cada premiado recibirá unha bolsa económica de 1.000 euros
A Xunta de Galicia vén de distinguir a 20 estudantes cos Premios extraordinarios de Educación Secundaria Obrigatoria ao rendemento académico correspondentes ao curso 2024/25. Trátase dun recoñecemento especial a unha serie de alumnos cunha forte capacidade de superación fronte a dificultades tanto de carácter persoal como educativo ou do seu contorno.
A Consellería de Educación, Ciencia, Universidades e Formación Profesional resolve esta convocatoria no Diario Oficial de Galicia para premiar unha vintena de traxectorias exemplares ao longo desta etapa formativa a prol da igualdade de oportunidades.
Estes recoñecementos teñen como finalidade salientar publicamente o compromiso, a dedicación e o aproveitamento académico do alumnado, ao tempo que contribúen a reforzar un sistema educativo baseado na excelencia, a equidade e o desenvolvemento persoal. As candidaturas foron propostas polos docentes dos centros atendendo ao esforzo continuado e á capacidade de superación demostrada ao longo da ESO.
O Goberno galego dota cada un destes premios cunha contía de 1.000 euros. Ademais destas bolsas, as persoas distinguidas recibirán un diploma acreditativo e a concesión quedará reflectida no seu expediente académico. Estes galardóns son compatibles con outras axudas ou premios outorgados por administracións públicas ou entidades públicas ou privadas, tanto de ámbito nacional como internacional.
A relación de centros onde estuda o alumnado distinguido é a seguinte:
| Concello | Centro educativo |
| A Estrada | IES Avelina Valladares |
| As Pontes de García Rodríguez | IES Moncho Valcarce |
| Cambre | IES Afonso X O Sabio |
| Culleredo | IES Eduardo Blanco Amor |
| Ferrol | IES Ferrol Vello |
| Lugo | IES Nosa Sra. dos Ollos Grandes |
| Malpica | IES Urbano Lugrís |
| Oleiros | IES Plurilingüe Xosé Neira Vilas |
| Oleiros | IES Plurilingüe Xosé Neira Vilas |
| Ourense | IES Eduardo Blanco Amor |
| Ourense | CPR Plurilingüe Santa Teresa de Jesús |
| Redondela | IES de Chapela |
| Redondela | IES de Chapela |
| Ribadeo | IES de Ribadeo Dionisio Gamallo |
| Rois | CPI Plurilingüe dos Dices |
| Santiago de Compostela | CPR Plurilingüe Ntra. Sra. de los Remedios |
| Sanxenxo | IES de Vilalonga |
| Tomiño | IES Antón Alonso Ríos |
| Vigo | IES Carlos Casares |
| Vigo | IES Alexandre Bóveda |
Saúdos do Gabinete de Comunicación da Consellería de Educación, Ciencia, Universidades e
