test
Home Ourense Allariz-Maceda A Xunta presenta ao Goberno de Aragón a súa estratexia a prol...

A Xunta presenta ao Goberno de Aragón a súa estratexia a prol do empredemento e da xeración de riqueza e emprego mediante a Rede de Polos

- Anuncio -
  • A conselleira de Promoción do Emprego e Igualdade en funcións, Elena Rivo, visitou o Polo de emprendemento de Baños de Molgas coa vicepresidenta segunda e consejera de Economía, Empleo e Industria aragonesa, Mar Vaquero
  • Destacou que a Rede está composta por 13 centros activos coa previsión de acadar en breve os 15 espallados por todo o territorio galego, prestando asesoramento a novas persoas emprendedoras ou para garantir a remuda xeracional
  • Desde a posta en marcha da iniciativa en xullo de 2022, téñense atendido arredor de 1.500 proxectos en toda a Comunidade, máis de 300 deles na provincia de Ourense

A conselleira de Promoción do Emprego e Igualdade en funcións, Elena Rivo, visitou esta tarde acompañada da vicepresidenta segunda e consejera de Economía, Empleo e Industria do Goberno de Aragón, Mar Vaquero, o Polo de emprendemento e apoio ao emprego de Baños de Molgas, o último en inaugurarse da Rede posta en marcha pola Xunta en xullo de 2022. Alí, destacou ante a representante aragonesa que Galicia conta xa con 13 destes centros activos, co obxecto de xerar riqueza e de fixar poboación especialmente no noso rural. 

A previsión é acadar os 15 Polos en toda Galicia, aos que poden acudir as persoas emprendedoras en calquera fase en que se atopen os seus proxectos, co gallo de recibir asesoramento de principio fin. Desde a apertura do primeiro centro, os Polos de emprendemento levan atendido en toda a Comunidade arredor de 1.500 iniciativas empresariais, o 60% delas impulsadas por mulleres. Por sectores, predominan os servizos, seguidos da hostalaría e de actividades de comercio.

A maiores, desde o comezo da Rede, téñense realizado máis de 4.000 titorías e preto de 400 reunións con entidades do territorio, así como case un cento de accións de formación e máis de cen eventos. Mirando á provincia de Ourense, onde ademais de en Baños de Molgas hai Polos en Verín, O Barco de Valdeorras e O Carballiño, lévanse atendido máis de 300 proxectos, un 59% deles impulsados por mulleres. Tamén destacan os servizos, a hostalaría e o comercio, por esta orde.

Na visita coa vicepresidenta segunda do Goberno de Aragón tamén se puxo en valor que se vén de impulsar un Plan de remuda no marco da Rede de polos, para garantir a continuidade de negocios. Así, a través dunha web e co acompañamento continuado do persoal técnico destes centros, xa se teñen interesado case un cento de iniciativas, para mediante a venda ou o aluguer dar paso a novas persoas interesadas en facerse cargo das empresas e asegurar o mantemento do tecido produtivo galego.

Nos próximos meses acompañarase este Plan dunha orde de axudas para impulsar os procesos de remuda xeracional, dirixida a financiar parte dos gastos aboados en concepto de traspaso polas persoas que collan os negocios.

Esta orde forma parte do orzamento deste ano da Consellería de Promoción do Emprego e Igualdade para darlle un pulo ao emprendemento, que se incrementa nun 51,6% con respecto ao 2023, ata acadar os 30,6 millóns de euros en total. Máis aló dos investimentos, implementarase tamén a Estratexia galega de emprendemento, cun impulso coordinado con todos os axentes implicados.

Cómpre engadir que o encontro no Polo de Baños de Molgas tamén serviu para dar a coñecer á representante aragonesa a ferramenta tecnolóxica EMi que permite nas oficinas de emprego de Galicia casar oferta e demanda en tempo real grazas á intelixencia artificial e á analítica avanzada, co gallo de seguir avanzando nun mercado laboral de calidade.

Relacionadas

A Xunta apoia a Liga Galega de Traiñeiras con 25 equipos nas súas tres...

0
O conselleiro de Presidencia, Xustiza e Deportes, Diego Calvo, participou esta tarde na illa de San Simón no acto de presentación da competición de...

A Xunta apoia o transporte de mercadorías a través dun plaan estratéxico para impulsar...

0
A directora xeral de Mobilidade, Judit Fontela, participou hoxe en Lugo na clausura da asemblea xeral ordinaria da Asociación Empresarial de Transporte de Mercadorías...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

A Xunta pon en servizo o novo aparcadoiro disuasorio de Ribadumia con 77 prazas...

0
O orzamento desta actuación, coa que o Goberno autonómico segue a apostar por unha mobilidade máis sostible, elevouse a 540.000 eurosDiego Calvo destacou que...

Rueda destaca o peso do peregrino internacional no Camiño de Santiago e unhas rutas...

0
Fai fincapé en que antes de que remate xuño xa se superará a cifra de 200.000 compostelas, o que augura un novo récord anual...

Belén do Campo destaca o crecemento do Camiño Inglés sendo a cuarta opción máis...

0
A delegada da Xunta participou na inauguración do evento Primavera no Camiño Inglés que se celebra hoxe nos Xardíns de Méndez Núñez organizada pola...

Publicacións Relacionadas