Os miles de cribados preventivos en A Illa de Arousa para a contención da Covid 19 deron coma resultado ata o de agora oito positivos por coronavirus

Sobre un censo de 3.664 cidadáns maiores de 15 anos deste Concello, a Área Sanitaria de Pontevedra e O Salnés recolleu un total de 3.285 mostras de saliva e nasofarínxeas, arredor do 90 por cento dos convocados
Para o grupo poboacional dentre os 15 e os 69 años -que acada nesta localidade as 3.057 persoas- recolléronse un total de 2.739 mostras de saliva, mentres que entre o colectivo de 607 persoas de 70 e máis anos, o cribado acumulou 546 mostras
Os miles de cribados preventivos efectuados o pasado venres e sábado en A Illa de Arousa enmarcados na estratexia de contención da COVID 19 do Servizo Galego de Saúde, deron coma resultado ata o de agora oito positivos por coronavirus nun total de 3.285 mostras recollidas sobre un censo de 3.664 cidadáns de 15 ou máis anos de idade deste Concello arousán. Dita participación, de arredor do 90 por cento dos convocados, foi ata o de agora das máis altas da Comunidade Autónoma de Galicia nun cribado preventivo.
Cómpre sinalar que para o grupo poboacional dentre os 15 e os 69 años -que acada nesta
localidade as 3.057 persoas- recolléronse un total de 2.739 mostras de saliva, mentres que entre o colectivo de 607 persoas de 70 e máis anos, o cribado efectuado pola Área Sanitaria de Pontevedra e O Salnés acumulou 546 mostras nasofarínxeas.
Resultados
Das mostras do primeiro grupo de persoas dentre 15 a 69 anos obtívéronse un total de sete
positivos por COVID. No que atinxe ao grupo poboacional de 70 e máis anos do Concello de A Illa de Arousa, das 546 mostras obtidas no cribado da Área Sanitaria de Pontevedra e O Salnés detectouse un positivo por COVID, amén doutras dúas mostras que aínda continúan en estudo, pendentes de notificación de resultado por parte do servizo de Microbioloxía e Parasitoloxía Clínica do Complexo Hospitalario Universitario de Vigo.
Novos cribados en Bueu na presente semana
Ao longo da presente semana, o Concello de Bueu será a seguinte localidade da Área Sanitaria de Pontevedra e O Salnés onde a Administración Sanitaria Pública galega continuará coa súa planificación de novos cribados poboacionais, nunha estratexia loxística e organizativa que se está a rematar nestes intres e da que se informará en vindeiras datas.