A Deputación de Pontevedra ven de concederlle ao Concello do Grove unha subvención de 177.803,96€ para a contratación de 19 persoas desempregadas a través da Liña 3:Emprego, dentro do Plan Concellos 2022-23.
As 19 persoas corresponden a 4 peóns de obras públicas, 3 peóns forestais, 2 peóns de xardinería, 2 condutores, 2 auxiliares administrativos, 2 axudantes de museo e 1 peón de limpeza, albanel, peón albanel, peón carpinteiro. Todos con contrato por 6 meses a xornada completa, excepto os auxiliares administrativos por 5 meses.
As ofertas tramitaranse a través da oficina de emprego do Servizo Público de Emprego.
As persoas contratadas veñen a reforzar os servizos municipais para execución de diversas obras e servizos de recuperación de zonas degradas, traballos recuperación mobiliario urbano, espazos forestais, mellora no servizos administrativos e culturais e museísticos. Tanto na zona urbana como rural. O obxectivo é ter preparados os recursos municipais para o verán nun concello turístico como é O Grove.
