O sábado 27 celebrouse próbaa Patos Surfing Kids da liga Nacional Surfing Kids na Praia de Patos (Nigrán). A proba foi organizada pola Federación Española de Surf, a Federación Galega de Surf, Prado Surf Escola e o Concello de Nigrán.
O pasado sábado, a Praia de Patos (Nigrán) foi o escenario ideal para a segunda proba da liga Nacional Surfing Kids das categorías feminina e masculina de Sub 14 e Sub 12 e Sub 10 Mixto, na que competiron ao redor de 100 surfeiros de toda España en busca de seguir formándose e crecendo profesionalmente neste deporte. Con miras cara á posibilidade de chegar ás Olimpíadas e ao Mundial de Surf nun futuro, os participantes executaron manobras de alto nivel e innovadoras piruetas, demostrando a súa destreza na auga e logrando notas sobresalientes. Este espectáculo deportivo só podía suceder acompañado das grandes ondas e augas cristalinas que Galicia ten para ofrecer, creando as condicións idóneas para a final ao subir a marea pola tarde. Unha vez finalizada a proba, realizouse a entrega de premios no Monopatín Skate Café cunha festa de celebración para os participantes do evento e os seus achegados, na que se puido ver a proxección dun vídeo do campionato, cortesía da axencia Exyo.
Esta proba da liga Nacional Surfing Kids foi organizada pola Federación Española de Surf, a Federación Galega de Surf, Prado Surf Escola e o Concello de Nigrán. Agradécese especialmente o apoio dos patrocinadores Alumisel e Auga Sa, e a Mission Surf Shop, Noetta Shop, Xunta de Galicia e Deporte Galego pola súa colaboración no evento.