• A actuación, que ten lugar na primeira e segunda planta do inmoble, permitirá crear unha aula de formación básica e de cociña, sala de reunións e unha área de traballo colaborativo.
O Concello de Miño avanza na súa promoción do desenvolvemento local co inicio das obras e a subministración de equipamento e mobiliario do novo centro de formación e emprendemento situado na Casa do Pescador.
A actuación conta cun orzamento de 100.000 euros e está financiada con fondos do GALP Golfo Ártabro Norte, entidade dependente da Consellería do Mar, para adecuar dúas plantas da Casa do Pescador, convertendo un espazo que actualmente se atopa en desuso, no Centro Municipal de Emprego, Emprendemento e Formación.
A través destes traballos, o centro contará con novas dependencias que incluirán unha aula de formación básica, unha aula de cociña, unha sala de reunións, e un espazo de coworking para fomentar o traballo colaborativo e as iniciativas emprendedoras que queiran desenvolver a súa actividade no municipio.
Desde o goberno local sinalan a importancia ‘de poder contar cun centro que potencie ao máximo cuestións tan importantes para ou noso desenvolvemento local como ou traballo colaborativo e a formación profresional’ e celebran a cooperación institucional para ‘converter un espazo infrautilizado nun espazo de interese para a nosa veciñanza’.