O Partido Popular de Vilaboa presentará unha denuncia #ante o Consello de Contas de Galicia para esclarecer o pago de 659.315,91€ con facturas que non aparecen por parte dos pasados gobernos locais.
Tal como o partido veu denunciando os pasados meses, e tras diversos informes e consultas legais, o PP de Vilaboa elevou unha denuncia #ante o Consello de Contas para lograr esclarecer o pago de 659.315€ públicos que o Concello veu realizando e dos que aínda non se atoparon as facturas para coñecer os conceptos e os destinatarios deses pagos.
Os informes de intervención subliñan a ausencia de documentación respecto a eses pagos e que ignoraron as fases orzamentarias, sen seguir os procedementos normativos obrigatorios, e ignorando os controis internos o que o fai nulo de pleno de dereito.
Os mesmos informes reflicten que nin a intervención municipal tivo acceso ás mesmas facturas nin os gastos e descoñecen o motivo de causa de gasto de 659.315€ e esixe neses informes a inmediata entrega das facturas. Subliña que son saídas de fondos que carecen de xustificantes, devindo en non xustificadas por destrución.
A intención desta denuncia non é outra que cumprir co compromiso que o PP ten de que o 28 de maio, a xente poida acudir a votar sen estar condicionada e coñecendo a posición de cada partido respecto ao pago de máis de medio millón de euros sen xustificar os pasados anos.
O PP marca como premisa a auditoría que realizarán tras chegar á alcaldía de Vilaboa e nesa liña, eleva a denuncia respecto a a non xustificación destes pagos.
