A vicepresidenta da Deputación de Pontevedra, Luisa Sánchez, recibiu este mércores a directiva da Asociación de Empresarios de Redondela. O encontro, que se celebrou na sede da institución provincial en Vigo, tivo por obxecto avanzar en posibles vías de colaboración para o impulso de iniciativas conxuntas. Luisa Sánchez, á fronte da área de Economía e Fomento ao Emprego da Deputación, sinalou que a xuntanza é unha oportunidade para seguir traballando da man do tecido empresarial da provincia e para poñer en valor a importancia do comercio local.
A vicepresidenta Luisa Sánchez reúnese coa Asociación de Empresarios de Redondela
