A mostra ‘A cultura do pan’ recolle obras en óleo e acuarela relativas á cultura muiñeira, incluíndo unha da devandita instalación e un par delas dos muíños de Chandebrito
“Queremos que os asistentes, especialmente a infancia, aprenda a través destas pinturas, a importancia destas auténticas fábricas ecolóxicas de pan”, explica
O Concello de Nigrán inaugura este sábado 1 de xuño ás 13:00 horas no muíño de Porto do Molle a exposición ‘A cultura do pan’, do artista vigués Antonio Abalde. A través dunha serie de cadros en óleo ou acuarela, o artista retrata diferentes muíños de Galicia (inclúe o devandito e tamén dous de Chandebrito) e a actividade, finalidade e o funcionamento dos mesmos. O seu obxectivo é ofrecer unha ollada etnográfica, polo que realizará unha visita guiada.
“Queremos que os asistentes, especialmente a infancia, aprenda a través destas pinturas a importancia destas auténticas fábricas ecolóxicas de pan”, explica Abalde, quen estará presente na exposición de luns a venres de 16:00 a 21:00 horas e fins de semana de 11:00 a 14:00 e de 16:00 a 21:00 horas. Asemesmo, ofrécese a realizar visitas guiadas a calquera grupo que así o solicite.
