· O presidente provincial, Luis Menor, puxo en valor a iniciativa dos populares de Coles para recuperar a presenza do partido na vida local, unha participación que, subliñou, “é imprescindible para que a veciñanza vexa ao Partido Popular como unha opción de goberno”
O Partido Popular de Coles vén de renovar a xestora local da formación, nunha nova etapa que se vai caracterizar pola ampliación no número de membros, co fin de gañar en representatividade e trasladar así, desde todos os ámbitos posibles, unha alternativa real de goberno municipal.
O presidente provincial, Luis Menor, puxo en valor a iniciativa dos populares de Coles para recuperar a presenza do partido na vida local, unha participación que, subliñou, “é imprescindible para que a veciñanza vexa ao Partido Popular como unha opción de goberno”.
Transcorridos case vinte anos desde que o PP presidira a Corporación municipal, “temos que retomar o labor político, porta a porta, e conseguir que a xente confíe de novo no noso proxecto”, máxime tendo en conta que o goberno socialista “mostra signos de estar esgotado”. A veciñanza de Coles “merece unha oportunidade de cambio”, engadiu Menor.
Francisco Javier Fernández, o actual portavoz municipal, presidirá esta xestora, na que tamén estarán os concelleiros José Manuel Míguez e Patricia Figueiras, destacando que a metade do equipo, con máis de dez persoas, estará integrado por novas incorporacións.
