A nova redacción levaría modificacións en aspectos dotacionais e na redistribucións de aproveitamentos estratéxicos na cidade, afirma o rexedor
O equipo redactor pulirá os últimos detalles do plan antes de sometelo á aprobación provisional do Pleno e remitirllo á Xunta de Galicia
O alcalde de Ourense, Gonzalo Pérez Jácome, ordenoulle ao servizo de Planeamento Urbanístico que ultime os trámites do expediente do PXOM para que o equipo redactor poida presentalo ao pleno para a súa aprobación provisional.
A proposta do alcalde, que posúe as competencias en materia de Urbanismo, o equipo redactor pulirá os últimos detalles do plan antes de sometelo á aprobación provisional do Pleno e remitirllo á Xunta de Galicia. Esta nova redacción leva “pequenas modificacións” respecto do anterior, en palabras do alcalde de Ourense, “en temas dotacionais e na redistribucións de aproveitamentos estratéxicos”.
Á tramitación do PXOM quedaríalle, pois, o plácet do Pleno para a súa aprobación provisional e o visto bo da Xunta antes da súa aprobación definitiva.
