O Concello de Mos volve recibir a Bandeira Verde de Galicia, un recoñecemento da Xunta que distingue o compromiso dos municipios coa protección da paisaxe, a conservación do patrimonio natural e o coidado ambiental do territorio.
Mos figura entre os 39 concellos galegos que obteñen este distintivo na convocatoria de 2026, na que se presentaron un total de 42 solicitudes municipais. A cifra supón un récord de municipios recoñecidos e seis distincións máis que na edición de 2025.
A Bandeira Verde de Galicia distingue os municipios que desenvolven medidas para ordenar o territorio, protexer o medio ambiente e a paisaxe, reducir as emisións de CO₂, mellorar a eficiencia enerxética e xestionar de forma responsable os residuos municipais. Tamén valora as iniciativas de sensibilización ambiental e conservación do patrimonio natural.
A Xunta entregou os distintivos correspondentes a esta edición este mércores, 21 de outubro, nun acto celebrado en Vedra no que participou a conselleira de Medio Ambiente e Cambio Climático, Ángeles Vázquez.
Con esta nova concesión, Mos mantén o recoñecemento autonómico ás medidas impulsadas no ámbito da sustentabilidade ambiental e da conservación da paisaxe.
