As obras teñen como obxectivo mellorar o estado das vías, facilitar a circulación e incrementar a seguridade viaria
O Concello de Ourense iniciará nos próximos días unha campaña de renovación de firmes e asfaltado en diferentes puntos do perímetro rural do municipio co obxectivo de mellorar o estado das vías, facilitar a circulación e incrementar a seguridade viaria.
As actuacións, que contarán cun investimento de 220.000 euros, incluirán traballos de renovación e mellora do firme en diferentes rúas e estradas, atendendo ás necesidades detectadas nestas zonas. En concreto, os traballos desenvolveranse en:
- Rúa Sánchez Arteaga
- Rúa Ceibe
- Rúa do Campo, en Vilar de Astrés
- Valdolide
- Bobadela
- Estrada Vella de Sistís
- Campo da Festa, en Quintela
Desde o Concello sinalan que estas actuacións forman parte do compromiso municipal coa mellora e conservación das infraestruturas viarias do rural, para dar resposta ás necesidades das parroquias e núcleos de poboación e contribuír a garantir a dispoñibilidade dunhas vías nas mellores condicións de uso. Os traballos comezarán nos próximos días e executaranse de maneira progresiva nas distintas zonas previstas.
