Home A Coruña A Xunta licita por máis de 235.000 euros a redacción dos proxectos...

A Xunta licita por máis de 235.000 euros a redacción dos proxectos para rehabilitar 13 vivendas adquiridas na Coruña, Ribadeo e Tui

- Anuncio -

— Os inmobles foron mercados polo Instituto Galego da Vivenda e Solo no marco do programa Rexurbe e as vivendas serán cualificadas como de promoción pública para a súa adxudicación en réxime de alugueiro social

— Na Coruña recuperarase un edificio situado no número 6 da rúa Santa María para obter tres vivendas, en Ribadeo rehabilitaranse tres inmobles que xerarán seis vivendas e en Tui outros tres edificios para dispoñer de catro vivendas

A Xunta de Galicia licitou hoxe por un importe global de máis de 235.000 euros a redacción dos proxectos de rehabilitación, así como a dirección de obra, de sete edificios adquiridos nas zonas históricas da Coruña, Ribadeo (Lugo) e Tui (Pontevedra) no marco do Programa Rexurbe.
Coa súa rehabilitación obteranse 13 vivendas que serán cualificadas como de promoción pública, polo que pasarán a integrar o parque de vivenda pública propiedade do Instituto Galego da Vivenda e Solo (IGVS) e serán adxudicadas en réxime de alugueiro social atendendo aos inscritos no Rexistro de demandantes de vivenda de Galicia.
A licitación, publicada hoxe na plataforma de contratos de Galicia, correspóndese cun inmoble na Coruña, tres en Ribadeo e outras tres en Tui. De feito, o contrato repártese en tres lotes por ámbito provincial.
O inmoble a rehabilitar na Coruña está emprazado no número 6 da rúa Santa María e ten como obxectivo xerar tres vivendas de promoción pública. O importe de licitación da redacción do proxecto e dirección de obra é de preto de 61.000 euros IVE incluído.
En Ribadeo recuperaranse tres inmobles situados nos números 2 e 4 da rúa Bispo Veres e no número 32 da rúa Trindade. As obras permitirán habilitar seis vivendas e o importe da licitación é de máis de 102.000 euros IVE incluído.
No caso de Tui, os traballos afectarán a tres edificios emprazados no número 44 da rúa San Telmo, no 18 da rúa Lorenzo Cuenca e no 29 da rúa Pracer co 42 da rúa Lorenzo Cuenca e permitirán obter catro vivendas. O orzamento destinado á licitación da redacción do proxecto e dirección de obra é de máis de 72.000 euros IVE incluído.

Relacionadas

A Deputación concede preto de 34.000 euros ao Concello do Rosal para a adquisición...

0
Trátanse de recursos do Plan Extraordinario de Infraestruturas Deportivas que distribuíron xa máis de 1,7 millóns de euros entre 28 concellos da provincia de...

A Deputación aproba máis de 30.000 euros para que o Concello da Lama mellore...

0
Estes recursos enmárcanse no Plan Extraordinario de Infraestruturas Deportivas que xa mobilizou máis de 1,7 millóns de euros entre 28 concellos da provincia de...

A Deputación celebra o Día do Libro cun contacontos e diversas propostas dixitais para...

0
O ilustrador Marc Taeger e o contador de contos Caxoto serán os encargados da actividade que se celebrará o vindeiro martes 23 de abril,...

A Oficina de Turismo de Redondela e o Meirande abren as súas portas

0
Redondela comeza oficialmente a temporada turística coa apertura da súa Oficina de Información, na rúa Isidoro Queimaliños, e do centro de interpretación da Batalla...

O concello de Nigrán entra no Grupo Asesor de Unicef-España a través de Cayetana...

0
Estes dous representantes do Consello Escolar Municipal foron seleccionados xunto a outros 3 de Galicia (Moaña, Ponteareas e Teo) para formar parte do grupo...

Ortigueira capta a case 60 alumnos para o programa de maiores da Universidade Sénior...

0
• A formación está dirixida a persoas maiores de 50 anos da comarca e consta de tres módulos de diferentes temáticas, a desenvolver ata...

Publicacións Relacionadas