Carral converterase mañá, sábado 16 de marzo, no epicentro da ximnasia rítmica. Todo grazas á celebración do IX Torneo Club Ximnasia Rítmica Carral e do XXI Certame Municipal de Ximnasia Rítmica. Ambas as dúas citas están organizadas polo Concello en colaboración co Club de Ximnasia Rítmica de Carral e terán lugar no pavillón do Espiño.
Por unha banda, de 9.00 a 14.00 horas levarase a cabo o IX Torneo do Club Ximnasia Rítmica Carral, no que tomarán parte 20 clubs procedentes de toda a provincia.
Pola outra, ás 16.30 horas está previsto o inicio do XXI Certame Municipal de Ximnasia Rítmica. Ao longo do mesmo, haberá 45 actuacións da contorna carralesa.
