Home A Coruña O BNG insiste en contar coa Academia Galega de Seguridade Pública para...

O BNG insiste en contar coa Academia Galega de Seguridade Pública para a selección da Policía Local

- Anuncio -

A moción presentada polo BNG votarase no vindeiro pleno

A proposta xa fora rexeitada polo goberno municipal en 2022

A inoperancia en materia de persoal e a necesidade urxente de máis efectivos son argumentos de peso para reincidir na proposta

O Concello de Culleredo precisa de máis persoal, en xeral, e no corpo de Policía Local é urxente. O número de horas extraordinarias acreditadas polos efectivos do corpo é de 3.752,50 e prevese que neste ano 2024 aumenten un 20% debido a xubilacións e ao posible paso a segunda actividade.

O goberno municipal impulsou o proceso para a cobertura de novas prazas hai menos de dous anos, e xa daquela o BNG propuxo conveniar a selección coa AGASP —Academia Galega de Seguridade Pública—, xa que se trata de probas moi específicas e liberaría outros funcionarios de asumir as tarefas de tribunal en condicións posiblemente precarias. A pesar de todo, o equipo de Rioboo rexeitou a idea.

É por todo iso que agora, o BNG presenta novamente a moción, e terá que ser votada no vindeiro pleno municipal. Son varios os procesos selectivos pendentes na Policía Local —os dos anos 2019 a 2021—. É dicir, estando en 2024, as prazas correspondentes a 2019 están aínda pendentes de solucionar. É evidente que o concello precisa axilidade para a contratación de novos efectivos para o corpo.

Incluso o presidente da FEGAMP defendeu o acordo que asinou coa Xunta nesta materia defendendo as bondades de contar coa AGASP: “Cubrir as vacantes da policía supón para moitos concellos, sobre todo os pequenos, un labor complexo que bloquea traballo diario da Secretaría. Os municipios que desexen poden delegar na AGASP para que se encargue de todo o proceso, desde as probas selectivas ata a formación”.

Alén disto, o Concello de Culleredo afonda na súa inoperancia en materia de Persoal. Son varios os procesos selectivos pendentes e as substitucións de persoas traballadoras de baixa chega tarde, mal ou non chega —foron exemplos sonados a falta de profesorado do Conservatorio Municipal, que chegou a iniciar o curso a destempo por esta causa, ou a recente de falta de conserxe no CEIP Ría do Burgo, que leva sen cubrir desde hai máis de dúas semanas—.

Con esta proposta, como con tantas outras, o BNG de Culleredo insiste na súa actividade propositiva, en favor da mellora de vida para a veciñanza, e continuará a traballar en ideas para tratar de desbloquear un concello paralizado que non amosa ningunha sensación de que poida revivir para servir a unha cidadanía farta.

Relacionadas

Accidente de tráfico na AC-231 ao seu paso polo concello de Sobrado dos Monxes

0
Os bombeiros do parque comarcal provincial de Arzúa foron alertados ao redor das 12:30 horas deste mediodía dun accidente de tráfico acontecido na estrada...

A Concellaría de Bibliotecas crea na zona de pediatría do centro de saúde o...

0
O obxectivo da iniciativa é intensificar o labor de animación á lectura que se realiza durante todo o ano desde o Concello de CarballoAdemais...

A alcaldesa de Cariño recibe ao novo capitán da Garda Civil da zona

0
Caixa de entrada Ártabra Comunica Anexos mar., 28 de maio, 16:20 (hai 19 horas) para cco: redaccion.galicianorteacoruna Boas tardes, adxunto foto de: A alcaldesa...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Publicacións Relacionadas