O Concello de Oleiros dispón de varios postos libres no mercado municipal de Perillo para todas aquelas persoas autónomas ou empresas que queiran dispoñer dun local cun prezo de aluguer baixo.
As persoas autónomas ou empresas que queiran desenvolver a súa actividade no Mercado municipal de Perillo poden optar a algún dos postos libres mediante o pago dunha tarifa mensual moi accesible e sen canon.
O custo dos postos de 16 metros é de 78,00€/mes e os de 30 metros é de 117€/mes. Algúns deles están dotados de cámara frigorífica.
As persoas interesadas poden dirixirse ao Centro Municipal de Formación ou chamar ao 981 610000 para obter máis información.
