∙ A humanización de varias zonas supuxo a supresión de numerosas prazas de aparcamento e “o Concello non deu ningunha alternativa aos residentes desas rúas para que poidan aparcar os seus vehículos”, indican os populares.
∙ Considera “escandaloso que o alcalde José Ramón Rioboo admita que as máis de 400 prazas que enumerou no pleno de febreiro estean só na súa cabeza. Nin un expediente, nin un informe, nada que garanta a realización de ningún aparcadoiro en datas próximas”, denuncian desde o PP.
O Partido Popular de Culleredo continúa a súa “cruzada” para conseguir que o Goberno Local “comece a tomarse en serio o problema de aparcamento público que temos nas zonas urbanas do concello”. Foron numerosas as ocasións nas que desde o Grupo Popular pedíuselle ao alcalde José Ramón Rioboo que axilice trámites e poña ao dispor dos veciños as prazas que leva prometendo desde que é alcalde, en 2017.
“Se grave é que admita que as prazas que mencionou no pleno de febreiro son absolutamente ficticias e que non hai nin un só expediente sobre elas, máis grave aínda é que leve coa mesma mentira máis de 7 anos”, declara Izaskun García, portavoz popular.
Aseguran desde o Grupo Popular que “publicar periodicamente durante anos en prensa planos e infografías, pero non realizar nin o máis mínimo trámite para que tanto futurible leve a cabo, é “tomarnos a todos por parvos”. Despois laméntase en redes de que sente incomprendido, de que non soubo explicar os seus “logros”. Que logos?, onde están?”, pregúntanse os populares. Desde o PP de Culleredo insisten en afirmar que non deixarán de dar a batalla por leste e polos moitos temas pendentes que ten o concello. “Cada vez son máis os veciños que se dirixen a nós buscando a axuda e o amparo que non atoparon no Goberno Municipal en todos estes anos”.
