test
Home Pontevedra Caldas A Deputación concede preto de 43.000 € a Cuntis para mellorar a...

A Deputación concede preto de 43.000 € a Cuntis para mellorar a accesibilidade do seu pavillón municipal

- Anuncio -

Trátanse de recursos do Plan Extraordinario de Infraestruturas Deportivas que repartiu xa 2,8 millóns de euros entre os concellos de menos de 50.000 habitantes da provincia

A Deputación de Pontevedra acaba de aprobar unha axuda ao Concello de Cuntis, por valor de preto de 43.000 euros, coa que poderá facer fronte á mellora da accesibilidade no seu pavillón municipal. Estes recursos pertencen ao Plan Extraordinario de Infraestruturas Deportivas da Deputación, dotado de 4 millóns de euros para todos os concellos da provincia (59) cun número de habitantes inferior a 50.000.

O Concello de Cuntis recibirá un total de 42.983,06 € para mellorar a accesibilidade tanto exterior como interior deste equipamento, con actuacións que afectan tanto ao acceso do inmoble como ao uso das instalacións. En canto ao acceso repararase a rampla actual, que pasará da pendente do 13,3% ao 4% necesario para ser considerada accesible. Ademais, aumentarase o seu ancho pasando de 150 a 210 centímetros e dotarase cun zócalo para impedir que os usuarios con cadeira de rodas poidan caer polo borde da rampla.

Tamén se reformarán as portas interiores que dan acceso ao distribuidor dos vestiarios e mais a estes, xa que non contan co ancho suficiente para permitir o acceso autónomo das persoas que usan cadeiras de rodas. Retiraranse as actuais, ampliarase o ancho do oco e instalaranse novas portas de aluminio, máis hixiénicas e resistentes á auga, tendo en conta o seu emprazamento. Ademais, dentro dos vestiarios crearase unha zona con ducha accesible, inexistente ata o momento.

O Plan Extraordinario de Infraestruturas Deportivas da Deputación mobilizou ata o momento máis de 2,8 dos 4 millóns de euros do orzamento total, con achegas para Agolada, Arbo, As Neves, Baiona, Barro, Campo Lameiro, Cangas, A Cañiza, Catoira, Cerdedo-Cotobade, Covelo, Crecente, Cuntis, Dozón, A Estrada, Fornelos de Montes, Gondomar, O Grove, A Illa de Arousa, Lalín, A Lama, Marín, Meaño, Meis, Mondariz, Mondariz-Balneario, Moraña, Nigrán, Oia, Pazos de Borbén, Poio, Ponte Caldelas, Pontecesures, Redondela, O Rosal, Rodeiro, Ribadumia, Salceda de Caselas, Salvaterra de Miño, Sanxenxo, Silleda, Soutomaior, Tui, Valga, Vila de Cruces, Vilaboa, Vilagarcía de Arousa e Vilanova de Arousa.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas