O dispositivo deseñado pola Policía Local prevé restricións en certas rúas a partir das 8.00 até as 14.00 horas
A carreira Solidaria Ruta 091 requirirá realizar cortes de tráfico no centro da cidade pasado mañá, domingo, día 1 de setembro, pola mañá. O dispositivo deseñado pola Policía Local de Ourense para que o evento se desenvolva dentro das marxes de seguridade, comezará ás 8.00 h e continuará até as 14.00 horas.
A carreira consta de dúas categorías. A de persoas adultas empeza ás 10.00h, con saída desde a glorieta da Policía Nacional e percorrido polas rúas Curros Enríquez, Sáenz Díez, praza de Concepción Arenal, avenida Pardo de Cela, Ponte do Milenio, glorieta das Palmeiras, Xefatura da Policía Local, Ponte do Milenio, avenida Pardo de Cela, rúa do Progreso, rúa Lugo, rúa do Vilar, rúa Cervantes, rúa Barreira, Praza Maior, rúa Lamas Carvajal, rúa do Paseo, rúa Curros Enríquez e glorieta da Policía Nacional.
A carreira da categoría infantil comezará ás 11.30 h e o percorrido é praza de Policía Nacional, rúa Curros Enríquez, Parque de San Lázaro, rúa Curros Enríquez e praza da Policía Nacional.
O corte de tráfico comezará ás 8.00 h e continuará ata as 14.00 h na rúa Curros Enríquez, no treito comprendido entre avenida da Habana e Otero Pedrayo; na Otero Pedrayo, en sentido de saída da cidade; e na rúa Curros Enríquez (Ponte Nova), en sentido centro cidade.
O corte de tráfico comezará ás 09.30 h e continuará ata as 11.15 h na rúa Sáenz Díez, na avenida Pardo de Cela, na rúa do Progreso, na rúa Curros Enríquez (o resto da vía), na rúa Concello, na rúa Xoán XXIII, na avenida da Habana e nas vías que están no interior deste perímetro.
