O alcalde de Ourense, Gonzalo Pérez Jácome, manifestou este mediodía que as críticas realizadas esta mañá polo grupo municipal do PP á compra de autobuses por parte do Concello de Ourense son “mostra dunha ignorancia fiscal absoluta” por parte deste grupo municipal, e asegura que a compra directa dos vehículos é a opción máis axeitada para renovar a flota do servizo na cidade. Neste senso, lembra que unha vintena de cidades españolas, algunhas como Madrid, gobernadas polo PP, están tamén comprando autobuses de forma directa, como Ourense. “Se nós estiveramos equivocados, todas esas ciudades tamén o estarían, e non o están”, sinala o alcalde.