O magosto tradicional será ás 18.00 horas en Bispo Cesáreo, repartiranse castañas gratuítas e haberá food trucks
O Campo da Feira acollerá o domingo, 10, a celebración da festa da Chinita, na que colabora o Concello
O Concello de Ourense presenta a programación de actividades organizadas pola Concellería de Artes e Festexos para celebrar o luns, día 11 de novembro, a festa do Magosto 2024. Ruada de gaiteiros, obradoiros infantís, magosto tradicional (en Bispo Cesáreo), agasallo de castañas, food-trucks, concerto de Brañas Folk e o baile coa orquestra Olympus son as propostas de lecer que se sucederán ao longo da xornada na cidade nesta tradicional cita do calendario festivo.
LUNS, 11 DE NOVEMBRO
12.00 h Ruada de gaiteiros con xigantes e cabezudos
17.15 h Obradoiros infantís. Confecciona o teu cornete de Magosto e Pintado de caras.
Lugar: Praza Maior.
18.00 h Magosto tradicional: Chourizo recén asado con bolo de masa nai, auga ou viño por 3 €.
Lugar: Bispo Cesáreo.
Castañas gratuítas
Lugar: Praza Maior e Bispo Cesáreo
Food Trucks: Burguer Bágoa Gastrobar, Tráiler Coren e Crepes
18.00-19.30 h Concerto “Brañas Folk” con Lucía Pérez e Pancho Álvarez
Lugar: Praza Maior
19.00-22:00 h Baile coa orquestra “Olympus”
Lugar: Rúa do Progreso
Feira da Chinita 2024
O Campo da Feira acollerá o domingo, día 10 de novembro, desde as 12.00 horas unha nova edición da Feira da Chinita, unha tradicional celebración da comunidade venezolana, na que colabora o Concello de Ourense.
A festa está dedicada á Virxe de Chiquinquirá, propia da rexión de Maracaibo (Venezuela), e conmemora unha milagre atribuída á dita virxe naquel lugar no século XVIII. Cos anos, esta celebración estendeuse até converterse nunha festividade nacional venezolana e tamén internacional.
Nesta versión ourensá, o público que se achegue ao campo da feira atopará todos os ingredientes característicos da festa: gaitas do Zulia, un xénero musical autóctono tocado co furruco, o catro, as maracas e a tambora; comida típica venezolana, a elección da Raíña da Feira, e moita diversión cos grupos que tocarán en directo, como Os Coleguitas, Yamil Quijada, Misael Sánchez, Maira Show, ademais dun DJ que amenizará o evento.
