O Concello de Ourense procedeu á poda controlada das pólas arqueadas das árbores do Parque de San Lázaro, que presentaban un perigo para a seguridade das persoas. Varias pólas entraron en colapso nos últimos días partíndose e caendo sobre a rúa San Lázaro, sobre os paseos do parque e sobre as terrazas, afortunadamente sen provocar danos persoais.
O patrimonio arbóreo da cidade debe ser xestionado asegurando o seu correcto desenvolvemento, cumprindo coa normativa vixente, e minimizando as interferencias cos diferentes elementos que conforman o espazo construído urbano. Así, para garantir a seguridade das persoas e dos bens, o departamento de Medio Ambiente decidiu proceder á poda das pólas que presentan grandes arqueamentos que comprometían a súa estabilidade estrutural con motivo das intensas choivas e os fortes refachos de vento xerados pola borrasca de mediados do mes de xuño.
Tendo en consideración que a zona de caída das ramas é unha das máis concorridas da cidade de Ourense e que baixo algunha das ramas perigosas atópase unha área de xogos infantís, procedeuse a realizar unha poda de seguridade eliminando unicamente aquelas pólas que presentaban un risco potencial de colapso estrutural.