test
Home Ourense O Tribunal Supremo resolve a favor do Concello e inadmite un recurso...

O Tribunal Supremo resolve a favor do Concello e inadmite un recurso de La Región que alegaba unha presunta discriminación na adxudicación de publicidade institucional

- Anuncio -

O Tribunal Supremo ditou unha providencia na que inadmite o recurso de casación interposto por La Región contra a sentenza ditada poloTribunal Superior de Xustiza de Galicia que desestimou un recurso da empresa por unha presunta “vía de feito por discriminación na inserción de publicidade institucional” do Concello de Ourense. A resolución do tribunal galego confirmara a sentenza ditada polo Xulgado do Contencioso Administrativo número 1, que desestimara previamente as pretensións da empresa.

O preito ten a súa orixe na publicación de publicidade do Concello de Ourense, no xornal La Voz de Galicia, a través dun contrato menor, en decembro de 2020. O Xulgado do Contencioso desbotou en primeira instancia os argumentos realizados desde La Región, que alegaba un presunto incumprimento do artigo número 8 da Lei 29/2005 de publicidade institucional xa que esta norma, que regula a publicidade da Administración Xeral do Estado, non é de aplicación aos concellos agás nun dos seus artigos, o número 4, cuxo cumprimento non se cuestionaba nesta demanda.

Entendía tamén o Xulgado que “non se acreditou en modo ningún que a actuación do Concello de Ourense estivese investida de desviación de poder” e que a finalidade da contratación publicitaria “foi dar difusión pública a diversas cuestións de actualidade do Concello, e a dita finalidade non se ve alterada pola circunstancia de que se realice a través dun ou doutro medio sempre que se respecten as normas sobre contratación pública e no seu caso sobre publicidade institucional”.

A sentenza concluía que “en ningún caso pode esixirse que a adxudicación deba facerse ao medio que conta con maior audiencia ou penetración no target ao que vai destinada a publicidade, sen que isto supoña vulneración ningunha do dereito a recibir información veraz, pois o anuncio noutro medio permite que a información chegue igualmente aos cidadáns, aínda que quizais cunha menor difusión, sendo o anunciante, neste caso o Concello de Ourense, o que debe realizar esta elección de medio en función de diferentes parámetros (dispoñibilidades orzamentarias, target, tipo de información…) aplicando en todo caso a normativa sobre contratación pública e publicidade institucional, que no presente caso non consta que se vulnerase”.

A resolución do Contencioso Administrativo foi recorrida en apelación por La Región diante do Tribunal Superior de Xustiza de Galicia, que ditou unha sentenza que desestimou o seu recurso. A resolución do tribunal galego foi recorrida en casación por parte de La Región diante do Tribunal Supremo e este acordou a inadmisión, a través dunha providencia contra a que non cabe recurso.

Relacionadas

A rúa Marcelo Macías estará pechada ao tráfico por obras desde o luns, no...

0
Os condutores disporán como itinerarios alternativos as rúas Camiño Romano, cara o Polvorín e o Camiño dos Ponxos, cara Barbadás Un tramo da rúa Marcelo...

A Xunta apoia a Festa do comercio local Veranear de Ribadavia no marco das...

0
O director xeral de Comercio e Consumo, Gabriel Alén, asistiu este serán á Festa do comercio local Veranear de Ribadavia, apoiada pola Xunta no...

Luis Menor, proclamado único candidato á presidencia do PP de Ourense

0
A comisión organizadora do 19º Congreso provincial extraordinario do Partido Popular de Ourense acordou hoxe por unanimidade proclamar a Luis Menor como único candidato...

Presentación do catálogo da exposición de Xaime Quesada Blanco: 1975-2006 A fugacidade do tempo

0
Esta mañá tivo lugar na Sala Valente a presentación do catálogo da exposición que, desde o día 9 de maio, se pode visitar neste...

O concelleiro Antonio Fernández asiste aos actos conmemorativos do 40 aniversario do edificio da...

0
Esta mañá tivo lugar o acto conmemorativo do 40 aniversario da inauguración do edificio da Comisaría Provincial de Ourense. O acto desenvolveuse na terraza cuberta...

Máis de 50 equipos disputarán mañá no Pazo Paco Paz o “3x·DepOUrense” que impulsan...

0
Haberá partidos durante toda a xornada, en categorías premini, mini, infantil, cadete, junior e senior. Durante as 11 horas de competición, tamén haberá actividades...

Publicacións Relacionadas