Ata o 15 de xuño está aberto o prazo para recibir propostas para o concurso de fotografía Mirando A Guarda. Unha iniciativa aberta a tódolos participantes que teñan interese na fotografía. O concurso diferencia tres categorías, unha para fotografías en Branco e Negro, outra para paisaxes do noso municipio en cor e unha terceira que permite a temática e técnica libre, cada unha delas estará dotada cun premio de 250€ para a proposta gañadora.
Os interesados en participar deben remitir a folla de inscrición que se atopa ao pé desta noticia xunto coa fotografía ou fotografías elixidas á dirección de mail: cultura@aguarda.es.
É preciso ter lidas as bases e aceptalas na súa integridade.
Coas propostas finalistas e gañadoras realizarase unha exposición na nosa vila nos meses de verán.