Organiza este concurso, dotado con 300 euros en premios, en colaboración coa asociación de veciños Santa Columba de Bértola
O Concello de Vilaboa convoca a XXXIX edición do Festival dos Maios, en colaboración coa Asociación de Veciños Santa Columba de Bértola, destinando 300 euros ás tres composicións florais que reúnan unha maior puntuación na modalidade cónica, única que valorará o xurado. O prazo de inscripcións, a través do correo electrónico info@vilaboa.org, está xa aberto.
O concurso está orientado a alumnado escolar de calquer idade e as bases recollen a descalificación inmediata en caso de rexistrarse algunha falta de respeto verbal nas letras dos maiores; unha decisión que correspoderá adoptar ao xurado que nesta edición estará integrado polo concelleiro de Cultura, un técnico municipal e un membro do colectivo veciñal, ou persoas nas que deleguen.
Puntuarán a calidade das letras e a utilización da tradicional retranca galega para abordar temas de actualidade tanto de ámbito político como social en canto ao carácter crítico, irónico e sarcástico do texto; tamén a calidade do canto tanto a nivel individual coma no conxunto, atendendo sobre todo a entonación, forza e o carácter harmónico do conxunto do maio e por último valorarán o mellor maio, tanto nos adornos como no aspecto exterior como no interior.
As composición que logren as maiores puntuacións serán as gañadoras establecéndose uns premios de 150 euros para o primeiro clasificado; 100 para o segundo e 50 para o terceiro.
O Festival terá lugar o día 1 de maio no campo das festas de Bértola e os maios participantes deberán estar no entorno con media hora de antelación.
