test
Home Pontevedra Baixo Miño A Feira de Cultivos renova a súa aposta polo formato ao aire...

A Feira de Cultivos renova a súa aposta polo formato ao aire libre

- Anuncio -

A Praza Pintor Antonio Fernández de Goián volverá a ser o escenario da cita máis importante do sector do viveirismo en Galicia

Celebrarase do 7 ao 9 de xuño cunha ampla programación de actividades centradas na sostibilidade

A Feira de Cultivos do Baixo Miño quenta motores para repetir o éxito de público do 2023. Organizada pola Asociación de Cultivos do baixo Miño e o Concello de Tomiño, a feira mantén a súa aposta polo formato ao aire libre e por tres días de encontro desfrutando do espazo público e levando as principais novidades dos sectores da planta, froita, flor, horta e subministros á rúa.   

Deste xeito, a XIX Feira de Cultivos do Baixo Miño celebrarase do 7 ao 9 de xuño na renovada Praza Pintor Antonio Fernández de Goián, un espazo ao aire libre que brinda un ambiente único tanto para expositores como para o público para gozar da cita máis importante do sector do viveirismo en Galicia, como demostrou o éxito acadado na pasada edición.

“Para nós é un orgullo presentar unha feira moderna e actualizada que recolla e reflicta os intereses da sociedade, en constante evolución. Por iso teremos novamente unha programación única que ofrecerá unha ampla variedade de actividades para que persoas de todas as idades poidan desfrutar dunha experiencia enriquecedora”, salienta o presidente de acuBam, Francisco Campo.

A alcaldesa de Tomiño, Sandra González, resaltou que “preparamos con moitísima ilusión unha feira que se converta nun lugar de encontro para a xente, nunha cita obrigada pola que todas e todos agardamos cada ano. Temos moitas ganas de volver gozar dunha feira participativa, dinámica, aberta e lúdica para profesionais e veciñanza na que seguir visibilizando e poñendo en valor un sector moi importante para a economía da comarca”.

A nova edición da Feira de Cultivos do Baixo Miño contará de novo cunha ampla e diversa programación que terá a sostibilidade e o respecto polo medio ambiente como temática protagonista. Serán tres días de actividades como obradoiros, concertos ou conferencias sen renunciar á promoción comercial. O programa completo darase a coñecer nos vindeiros días.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas