test
Home Vigo Nigrán A praia de Patos acolle mañá o Campionato de España de Surf...

A praia de Patos acolle mañá o Campionato de España de Surf Adaptado coa presenza dos mellores deportistas nacionais en cada categoría

- Anuncio -

O Concello de Nigrán promove este evento deportivo que, nesta edición, reune a 35 surfistas de toda España con diferentes discapacidades

Entre os participantes están Sarah Almagro, Daniel Muller, Dani Souto, Audry Pascual, Ibon Oregi, Aitor Francesena ‘Gallo’ … todos representantes do equipo español que competirá no Campionato do Mundo en California

“Patos é xa sinónimo de inclusión e diversidade en toda España. Esta competición nos ofrece cada ano unha lección de vida e de superación”, indica o alcalde, Juan González

O Concello de Nigrán será novamente a tarde deste sábado 25 de maio sede do verdadeiro surf universal coa celebración do Campionato de España de Parasurf, evento deportivo que celebra a súa cuarta edición consecutiva en Patos. O areal acolleu hai dúas semanas o trofeo ‘Concello de Nigrán’ para persoas con discapacidade intelectual de toda a comarca e agora será o escenario da competición entre os 35 mellores deportistas con discapacidade física de toda España. Aquí se xogan a súa clasificación para o Campionato Mundial en California (EEUU) estrelas como Sarah Almagro, marbellí amputada aos 18 anos de mans e pés e referencia internacional neste deporte; Daniel Muller, canario de orixe alemá sen mobilidade nas pernas; Audry Pascual, surfista madriñeña sen mobilidade nas pernas e referente tamén no ski; os vascos Aitor Francesena ‘Gallo’, invidente e bicampeón do mundo, e Ibon Oregi, subcampión do mundo con unha soa extremidade; ou o coruñés Dani Souto, con discapacidade visual e campión de Europa. Por outra banda, tamén se celebra o Campionato Galego de Parasurf. Os deportistas compiten agrupados en diferentes categorías en mangas de 20 minutos atendendo a súa especificidade (invidente total ou parcial, falta de extremidade/s superior ou inferior, surfistas que collen a ola sentados ou tumbados…).

O evento deportivo está promovido desde Quenlla Surf Clube (único clube galego adicado ao parasurf e con sede en Nigrán), Federación Galega e Española de Surf, Fundación Bimba y Lola, Xunta de Galicia, e Concello de Nigrán con financiación a través do ‘Plan + Provincia’ da Deputación de Pontevedra. Ademais do espectáculo na auga, os asistentes poderán gozar no bar Maui de simuladores de surf en seco en pantalla de plasma, unha exhibición de como se fabrica unha táboa, música, Dj…

“Animamos á cidadanía a que veña mañá a Patos porque esta competición nos ofrece cada ano unha lección de vida e de superación. Patos é xa sinónimo de inclusión e diversidade ao acoller 4 dos 5 campionatos de España realizados ata agora. Somos un exemplo en políticas de accesibilidade universal e agora unha referencia internacional en surf adaptado grazas á sensibilidade das nosas escolas. Esta é a mellor imaxe que podemos exportar do noso municipio e non se limita a un día, se non a todo o ano”, explica o alcalde, Juan González.

“O deporte trasmite valores como o sacrificio, tesón, constancia… e no caso do adaptado máis”, considera Luis Pena, presidente de Quenlla Surf e promotor do campionato.

“Un só ten a altura deportiva dos rivais cos que se mide, e nese sentido teño aos mellores: son exemplos de superación e de vida”, explica Senén Jalda, deportista de Quenlla afectado desde a infancia cunha parálise cerebral que lle afecta á motricidade. El participará mañá no campionato despois de quedar cuarto o ano pasado, cando só levaba un par de meses practicando, polo que espera superar esta marca. Do clube nigranés Quenlla estará tamén competindo Paulo Cabezas, surfista cego parcial subcampión de España.

Relacionadas

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Historias sen fin co andel dos libros libres do Rosal

0
O Concello pon en marcha unha iniciativa que busca promover a lectura poñendo a disposición da veciñanza libros de todo tipo de balde Un estante...

O que queren para outras vilas, non o queren para Marín

0
Sobre o estacionamento e a mobilidade urbana  Últimamente, non saímos do noso asombro. Como Goberno local, consideramos que hai que traballar para que unha vila...

O BNG denuncia o “colapso” no hospital de día de oncoloxía do Álvaro Cunqueiro...

0
A fronte nacionalista reclama á Xunta que reforce o servizo para poñer fin ás demoras na atención e para evitar que as persoas doentes...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

Publicacións Relacionadas