test
Home Pontevedra Deza As competicións de atletismo e xedrez de Abanca Semana Verde volven en...

As competicións de atletismo e xedrez de Abanca Semana Verde volven en 2024 xa consolidadas nos calendarios destas disciplinas

- Anuncio -
  • A CARREIRA POPULAR CHEGA Á SÚA NOVENA EDICIÓN E O OPEN DE XADREZ Á QUINTA, ESTANDO ABERTAS AS INSCRICIÓNS PARA PARTICIPAR EN AMBAS CITAS
  • TERÁN LUGAR OS DÍAS 31 DE MAIO E 1 DE XUÑO


A Feira Internacional Abanca Semana Verde de Galicia, a cal celebrará a súa 46ª edición entre os días 30 de maio e 2 de xuño, acollerá de novo as súas competicións de atletismo e xadrez, as cales xa están consolidadas no calendario destas dúas disciplinas deportivas.

Así, acollerá a IX Carreira Popular Abanca Semana Verde de Galicia, organizada pola entidade feiral xunto coa Federación Galega de Atletismo e co patrocinio de Abanca.

A proba dará comezo ás 20.00 horas do 31 de maio, incluíndo o seu percorrido unha pequena parte no recinto e o resto en zonas exteriores próximas ao mesmo. Establece dúas categorías, Escolar, que inclúe Pitufos, Sub 10, Sub 12, Sub 14, Sub 16 e Sub 18; e Absoluta, con Sub 20, Sub 23, Senior, Máster A, Máster B, Máster C e Máster D. Os atletas, que poden ser federados ou non, deben inscribirse ata o 28 de maio en www.carreirasgalegas.com. O custo é de 5€ para a categoría Absoluta e gratuíta para as Escolares.

Por outra banda, o Open de Xadrez Abanca Semana Verde de Galicia, levará a cabo a súa quinta edición. Será o sábado 1 de xuño e contará con cinco categorías distintas, as cales serán totalmente independentes e corresponderanse con Sub 8, Sub 10, Sub 12, Sub 14 e Absoluta.  Xogarase con sistema suízo a 8 roldas mediante programa informático homologado pola Federación Internacional (4 en sesión matutina e 4 de tarde), co cal ningún xogador quedará nunca eliminado, enfrontándose en cada rolda os xogadores da mesma puntuación. Contará cun total de 2.000€ en premios e na categoría Absoluta será de novo puntuable para a clasificación internacional Elo FIDE.

Os interesados en participar no torneo, que inaugurará este ano o Circuíto Galego de Promoción, poden inscribirse no formulario oficial do evento, o cal figura en www.semanaverde.es/bases_Open_Xadrez.pdf. Poderán facelo ata o día 30 de maio ás 20.00 horas, sendo gratuíto tanto para participantes ata 16 anos como participantes con puntuación a partir de 2.200 Elo, e cun custo de 10€ para maiores de 16 anos que non conten con esa puntuación.

Eventos de referencia

A Carreira Popular Abanca Semana Verde de Galicia é xa cita obrigada para multitude de persoas de toda a Comunidade, inscribíndose na pasada edición máis de 170 deportistas.

En canto ao Open de Xadrez, é un evento marcado no calendario de gran cantidade de xadrecistas. Tanto é así que na edición de 2023 contou coa participación de cinco Grandes Mestres, como foron o serbio Aleksa Strikovic, o español Gabriel del Río, o uzbeko Ibrahim Khamrakulov, o búlgaro Vladimir Petkov e o cubano Arián González.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas